توقعات الابراج 23 آب 2018 الخميس

توقعات الابراج 23 آب 2018 الخميس

ابراج -
* 3.5K * 8 *
حجم الخط



 الحمل ♈

يوم في شغل الك والمسا اجتماعي بتكون ..
انتبه لشغلك وكون كتير رايق لان في قصة بتتعلق بمخالفة القوانين عندك انتبه منها وحاول تجهز حالك للقاء شخص مهم ولاتهمل شغلك الضروري أكيد وكمان المسا حضر حالك للقاء حلو وعزيمة ممكنة عندك ..
عاطفيا .. الأجواء مو كتير مريحة عندك ومدايق وحساسيتك عالية بهاليوم فحاول تهدى ..
■النسبة المئوية :
●مهنيا : %76 ●ماليا : %64 ●عاطفيا : %67 ●صحيا : %70

🌞الشمس بالعذراء : بتعطيك فرصة بداية عمل جديد لازم تنتبه لان رح يكون في تراكم عندك وصحيا كمان بتأثر على صحتك وغذائك فبدي منك ترتب امورك ورح تكون مميز بشغلك الجديد أكيد ..

الثور ♉

تطورات حلوة ولقاءات مهمة بناس مسؤولة ..
يوم حلو بيدعمك مهنيا و في كتير امور ايجابية لتغير شي ممكن تسافر وتتعرف على اشخاص جديدة ممكن تبدا علم جديد او حتى رياضة كمان ممكن تكون المسا على موعد مهم ومصيري فخليك جاهز ..
عاطفيا .. يوم منيح لتعزز علاقتك بالشريك وفي كتير امور ايجابية عندك وطلتك غير شكل ..
■النسبة المئوية :
●مهنيا : %85 ●ماليا : %80 ●عاطفيا : %77 ●صحيا : %74

🌞الشمس بالعذراء : بموقع مناسب وجيد الك بتدعمك عاطفيا وماليا وبتعطيك حظوظ حلوة وفرص وخاصة اذا ناطر اخبار منيحة ..

الجوزاء ♊

تحسن تصاعدي مال ولقاءات وتواصل ..
عندك حضور مميز وكتير من القصص والحلول الممكنة كمان ماليا ممكن تحصل على مصاري من شخص كان بينكن شراكة او تدفع لتجيب هديه لحدا كمان المسا عم يكون مناسب لتحاكي ناس جديدة بحياتك ..
عاطفيا .. تطورات ايجابية عم تشهدها علاقتك وفي تحسن بعد فترة صعبة مريتو فيها ..
■النسبة المئوية :
●مهنيا : %73 ●ماليا : %82 ●عاطفيا : %76 ●صحيا : %80

🌞الشمس بالعذراء : بتخليك تفكر اكتر بمستقبل بيتك وعيلتك وخاصة بما يخص الأهل ويمكن تغير مكان سكنك فجهز حالك وحتى ممكن تبيع أو تشتري عقار عندك ..

السرطان ♋

وضع الشراكة مكركب لكن المسا افضل بكتير ..
مو مرتاح ومدايق من اي شي عم يصير معك في استفزاز كبير من المحيطين الك لاتخاف فيك تستفيد لأن بتم شراكة او حتى ارتباط والمسا بتناقش امور مالية عندك وبترتاح من الضغط يلي انت فيه ..
عاطفيا .. تعامل مع مجريات الامور برواق وحاول ماترد على الكلام الاستفزازي من الشريك ..
■النسبة المئوية :
●مهنيا : %69 ●ماليا : %62 ●عاطفيا : %68 ●صحيا : %64

🌞الشمس بالعذراء : بتزيد حركتك وفرص لسفر قريب وتواصل افضل مع المحيطين فيك ونجاح مهني ودراسي وحتى ممكن تشتري سيارة او موبايل الفترة الجاية وانتبهلي من حوادث الطرقات ..

الأسد ♌

عندك كتير امور بتشغلك ماعم تهدى والمسا شراكات ..
بدي منك تستغل قدراتك فكر بالضروري واهدى حسن وضع شغلك ونظم أمورك وكل شي رح يكون افضل كمان في فرصة كبيرة لشراكات جديدة عندك بس انتبه من عصبيتك تنهي شراكة عندك ضعيفة ..
عاطفيا .. عن تفكر يمكن بارتباط والأمور عندك عم يكون فيها كتير انزعاج من تصرفات الشريك ..
■النسبة المئوية :
●مهنيا : %57 ●ماليا : %60 ●عاطفيا : %62 ●صحيا : %65

🌞الشمس بالعذراء : بتعطيك فرص مالية وبداية مشروع او شغل جديد لكن اكتر شي تفكيرك بالمال ورح تكون راضي ماليا بس انتبه من المصاريف يلي بلا طعمة ..

العذراء ♍

الامور ايجابية والمسا بدك تنتبه صحيا ..
عندك كاريزما لمن الشي الأهم بأنو هي الفترة ممكن تكون مصيرية بفرصة ممكن تجيك وتحملك شغل جديد او بداية جديدة او تغيير بوضعك المهني فكون جاهز وانتبه من تراكم الامور وتعب المسا ..
عاطفيا .. كتير من المغريات بعلاقاتك العاطفية وفي حب عم يكبر ويوم حلو عاطفيا واذا اعذب فرصة لحب جديد ..
■النسبة المئوية :
●مهنيا : %80 ●ماليا : %75 ●عاطفيا : %86 ●صحيا : %76

🌞الشمس عندك بتساعدك وبتعطيك بدايات جديدة وحظوظ وطاقة لتطلع من تعبك وبتزيد جاذبيتك وبتفرج عليك بعد شهر تعبك كتير فانتظر هالشي ..

الميزان ♎

قصص بالبيت بتشغلك والمسا عاطفيا افضل ..
في قصة بالبيت ماعم تريحك وعم تخليك تفكر بحلول الها وحاسس بانك ضايج لكن هاليوم عم يشهد تحسن كبير المسا بالحظ والوضع العام عندك بس دير بالك عأهلك وبيتك وكل شي رح يصير أفضل ..
عاطفيا .. عم تحس بعاطفة كبيرة تجاه شخص حاول تكون رومنسي لان يوم بيتطلب هيك خاصة المسا ..
■النسبة المئوية :
●مهنيا : %76 ●ماليا : %82 ●عاطفيا : %85 ●صحيا : %80

🌞الشمس بالعذراء : بتخليك تحب العزلة اكتر وممكن تجيك فرصة عمل مع مؤسسة كبيرة لكن خليك منتبه من الاشخاص بوجهين وحتى ممكن تفوت علاقة سرية ..

العقرب ♏

يوم لتنقلات حركة اتصالات واخوة وعيلة المسا ..
يوم للتنقل والتواصل خاصة مع افراد عيلتك او المحيطين فيك وقادر تقنع بوجهة نظرك وحتى في فرصة لسفر قصير عندك لكن ممكن تنشغل بقصة بتخص احد الأخوة او الاهل حاول تكون متفهم حتى تنحل ..
عاطفيا .. عندك القدرة انو تجذب الناس الك بهاليوم ولقاء حلو عاطفي ممكن اذا بدك ..
■النسبة المئوية :
●مهنيا : %75 ●ماليا : %69 ●عاطفيا : %72 ●صحيا : %70

🌞الشمس بالعذراء : بتعزز الصداقات والحالة الاجتماعية عندك وبتساعد لتجيك مساعدة من رفيق عندك ..

القوس ♐

قصص مالية بتشغلك وتطورات حلوة عندك ..
عيد حساباتك المالية اليوم وفيك تشوف شو الك وشو عليك وتضب ايدك وتفكر بموارد جديدة للدخل عندك وحتى ممكن تحصل على مبلغ بهاليوم والمسا بتكون نشيط وبتتواصل مع ناس كتير عندك ..
عاطفيا .. وضعك جيد لكن ماحدا عم يقدر مشاعرك متل مابدك وهالشي عم يزعجك ..
■النسبة المئوية :
●مهنيا : %77 ●ماليا : %81 ●عاطفيا : %75 ●صحيا : %74

🌞الشمس بالعذراء : بتعملك تغييرات مهمة مهنيا انتبه من التعامل مع المسؤولين ولاتخالف القوانين وعندك ترقية أو فرصة عمل قادمة وحتى شهرة ..

الجدي ♑

تطورات حلوة حلول ومال المسا عندك ..
بترتاح نسبيا وانت بحال افضل عم تقدر تأثر بشكل كبير على محيطك وتحل مشاكلك وتغير الأمور لصالحك حاول تستفيد من هاليوم ببدايات جديد وكمان لاتنسى تعيد حساباتك المالية وتخفف مصروفك المسا ..
عاطفيا .. معنويات عالية عندك فيك تخلص من ماضي تعبك وتبدا بحب جديد إذا بدك ..
■النسبة المئوية :
●مهنيا : %92 ●ماليا : %90 ●عاطفيا : %82 ●صحيا : %80

🌞الشمس بالعذراء : بتعطيك فرص سفر وبدايات جديدة لشغل او علم وكمان بتتعرف على ناس جديدة وبتكون حال أفضل على كل الأصعدة ..

الدلو ♒

شوية صبر بالنهار عندك والمسا اخبار حلوة ..
مدايق والوضع مزعج الك كل شي بتحسو ماشي بالعكس والناس عم تزيدها عليك وفي عرقلة وتأجيل وحاول ماتعمل شي مهم الصبح وانتظر المسا يلي رح يشهد تحسن نسبي الك وعودة الحلول والطاقة ..
عاطفيا .. عم تحس بوحدة وماعم ترتاح لتصرفات الشريك وكأنو في شي عم يصير غريب ..
■النسبة المئوية :
●مهنيا : %77 ●ماليا : %75 ●عاطفيا : %79 ●صحيا : %70

🌞الشمس بالعذراء : بتريحك وبتعطيك حلول وبتدعمك ماليا من جهة مال الشراكة او الميراث وبتخليك تشفى من مرض او تحل قضية قانونية وحتى تصالح شريك العاطفة ..

الحوت ♓

وضعك منيح بالنهار وهدي الاوضاع المسا ..
يوم اجتماعي عندك عم يكون نهارك حافل باللقاءات مع اشخاص بتحبن وبتحس بدعم كبير من الاصدقاء إلك وفيك تطلب مساعدة اذا بدك لتعمل شي انتبه من مشاكل متوقعة بالسهرة وكون هادي حتى تمر ..
عاطفيا .. عم تكون ساحر بالنهار وكتير ناس حوليك وعندك حضور ملفت وقدرة على استيعاب الكل وهالشي بيمنحك اجواء حلوة ..
■النسبة المئوية :
●مهنيا : %63 ●ماليا : %70 ●عاطفيا : %67 ●صحيا : %60

🌞الشمس بالعذراء : بتعزز فرص الشراكة عندك مهنيا وعاطفيا وبتنهي على العلاقات الضعيفة فانتبه وبتكون عندك علاقة جديدة وارتباط اذا اعذب فجهز حالك ..




8

5

0

3

1

-- الزوار شاهدو ايضاً --

توقعات الابراج العامة الاحد 13-05-2018


#الحمل ♈ نشاط طاقة وحظ ومال المسا .. انت بحال افضل عم ...
2584
توقعات الابراج العامة الاحد 13-05-2018

أفكار لعيد ميلاد الزوج


عيد ميلاد الزوج ربّما أعياد الميلاد ليست من الأمور المهمّة بالنسبة ...
2774
أفكار لعيد ميلاد الزوج

الأبراج يوم السبت 28 تموز 2018


 الحمل ♈ اصدقاء حوليك وناس جديدة بتعرفها .. عم تكون طلتك حلوة ...
3887
الأبراج يوم السبت 28 تموز 2018

طرق علاج نمش الوجه طبيعياً


طرق علاج النمش طبيعياً إليكِ أكثر الوصفات فاعلية في علاج النمش ...
1491
طرق علاج نمش الوجه طبيعياً

صفات برج الجدي


برج الجدي من الأبراج العقلانية التي تعمل بحرفية عالية وتستخدم ...
1303
صفات برج الجدي

اتصل بنا - اتفاقية الاستخدام - سياسة الخصوصية