توقعات الابراج 9 ايلول 2018 الأحد

توقعات الابراج 9 ايلول 2018 الأحد

ابراج -
* 4.0K * 27 *
حجم الخط



 الحمل ♈

امور مهنية مسؤوليات وشغل وقصة صحية ..
يوم بدو ترتيب في كتير قصص لازم تخلصها عم تتعب ويزيد الشغل عليك يمكن هالشي طبيعي بس ماتخليه يأثر على صحتك .. وخليك دقيق ورتب امورك ونظم وقتك لتنجز القدر الأكبر بهاليوم ..
عاطفيا .. لاتصعد الخلاف مع الشريك بأي موضوع او قصة حاول بس تساير هي الفترة ..
■النسبة المئوية :
●مهنيا : %58 ●ماليا : %59 ●عاطفيا : %63 ●صحيا : %60
☆ الزهرة بالعقرب : بالفترة يلي بتتواجد فيها الزهرة بالعقرب في امكانية لانك تحصل على مال من شراكة او حتى ميراث وكمان احتمال تحل مشكلة قضائية وتشفى من مرض تعبك ..

الثور ♉

تحسن بالحظ والعاطفة عندك ..
يومك حلو وفي أوقات ايجابية بتدعمك وحضورك مميز اليوم قادر تكون مقنع وتحصل على نتائج مميزة بعملك .. لاتوقف واستغل الوقت يلي عم يمنحك طاقة وقدرة على الوصول لهدفك ..
عاطفيا .. حاول تستقر بعواطفك على شخص معين وفكر بشكل جدي بعلاقتك وفي حب قديم ممكن يرجع ..
■النسبة المئوية :
●مهنيا : %86 ●ماليا : %82 ●عاطفيا : %89 ●صحيا : %80
☆ الزهرة بالعقرب : بتعزز عندك الشراكات المهنية والعاطفية وبكون في كتير شراكات جديدة وتحسن بالشراكات القديمة عندك واحتمال تتم ارتباط اذا كنت جاهز ..

الجوزاء ♊

قصص بالبيت بتشغلك ووضع عائلي بدو حل ..
عم تكون مدايق من المقربين عندك وانت بيوم متعب عم تحس حالك متوتر مو على بعضك في أشيا بالبيت ماعم تريحك .. كمان عم تكون صحيا مو كتير وماعم تحصل على الاستقرار يلي بدك ياه ..
عاطفيا .. لا تفكر بالماضي كتير وحاول تطلع من القلق يلي عم تعيشو وتفائل ..
■النسبة المئوية :
●مهنيا : %63 ●ماليا : %60 ●عاطفيا : %58 ●صحيا : %66
☆ الزهرة بالعقرب : بتوعدك الزهرة بشغل جديد قادم الك حاول تستغل الفرص وكون جاهز وحتى علاقتك بزملاء الشغل والدراسة بتتحسن بهي الفترة وفي تتبع نظام صحي بهالوقت ..

السرطان ♋

فرص سفر ولقاءات واتصالات ونجاح ..
بتتحسن اوضاعك هاليوم وعم تحس بنشاط كبير عم تتواصل مع العالم بطريقة مبهرة قادر توصل رايك من الأيام المهم استغلها وتقدم فيها بعملك وقدرة على الاقناع وسفر واتصالات كتير وشي بخص الاخوة ..
عاطفيا .. حاول تبتعد عن الحساسية شوي وارتاح من التفكير لتعيش اوقات رومنسية اذا بدك ..
■النسبة المئوية :
●مهنيا : %76 ●ماليا : %72 ●عاطفيا : %78 ●صحيا : %70
☆ الزهرة بالعقرب : بتمنحك افضل الفرص لعودة حب قديم ليظهر بحياتك وللأعذب فرصة ليبدا حب جديد وكمان في فرص لشغل جديد واوقات حلوة ..

الأسد ♌

في شغل جديد وقصص مالية عندك ..
يومك منيح ماليا وبساعدك بشغل جديد وقصص بتعيد فيها حساباتك العامة وحاول تضل قريب من الأصدقاء وعندك تعامل بقصص مالية كون منتبه والاجواء حلوة وداعمة ..
عاطفيا .. عم تفرض على حالك وضع جديد لاتكبر القصص وحاول تكون رومنسي ..
■النسبة المئوية :
●مهنيا : %64 ●ماليا : %72 ●عاطفيا : %70 ●صحيا : %68
☆ الزهرة بالعقرب : بتساعدك لتنتقل لبيت جديد او لتحسن ببيتك وممكن تعطيك فرصة لتشتغل بالعقارات وقصة بتخص الجذور الخاصة فيك وتحسن بعلاقتك بالأهل والعيلة واجواء اجتماعية حلوة ..

العذراء ♍

تطورات حلوة وطاقة عالية وبدايات جديدة ..
يوم حلو في تحسن وطاقة عندك و قادر تعمل الكتير اليوم لاتخاف وتخلص من الماضي وابدا من جديد .. بدي منك تحدد خياراتك واهدافك وانطلق لتغير الأمور للأفضل وخطوات جديدة ناطرتك ..
عاطفيا .. خبر حلو عاطفيا ورغبة بالاستقرار حاول تقرب وجهات النظر وحب جديد ممكن يكون هالفترة عندك ..
■النسبة المئوية :
●مهنيا : %94 ●ماليا : %82 ●عاطفيا : %85 ●صحيا : %80
☆ الزهرة بالعقرب : بتمنحك فرص اكبر للسفر والحركة وبتقدر تتواصل بشكل أفضل بكتير مع محيطك وكمان ممكن تشتري سيارة امو موبايل جديد وتحسن بوضع الاتصالات عندك ..

الميزان ♎

يوم بدو رواق وهدى هاليوم ..
بدي منك تهدي تعامل بحذر قدر الامكان الاجواء مشحونة ومافي شي عم يمشي متل مابدك .. تعب صحي ممكن وحالة من الهدوء والركود عم تسيطر عليك طبيعي هالشي بس اصبر وبلا عنادك ..
عاطفيا .. عم توتر علاقتك بالشريك بدون اسباب مقنعة لاتتخذ قرار مهم واهدى ..
■النسبة المئوية :
●مهنيا : %58 ●ماليا : %61 ●عاطفيا : %64 ●صحيا : %60
☆ الزهرة بالعقرب : بيدعمك اكتر شر ماليا ممكن تبدا شغل جديد وكمان تستفيد من مال ممكن يجيك ويحسن وضعك المالي ويمكن تحصل على هدية بهي الفترة ..

العقرب ♏

لقاءات اجواء اجتماعية عندك ودعم صديق ..
يومك منيح بعلاقاتك حاول تاخد قوتك من الأصدقاء يلي بتدعمك وبتعطيك الطاقة بهيك يوم .. كمان بدي منك تنهي اعمالك الضرورية واستغل الفرص المناسبة ولاتبقى لحالك بهيك يوم ..
عاطفيا .. لاتفرض شخصيتك زيادة عالشريك وحاول تتفهمو قدر الامكان لتستمرو ..
■النسبة المئوية :
●مهنيا : %77 ●ماليا : %70 ●عاطفيا : %66 ●صحيا : %68
☆ الزهرة ببرجك : بتمنحك أحلى طلة وبتكون ساحر وبزيد جمالك فترة ايجابية لتغير بشكلك وتكون مافت للنظر وعندك طاقة مميزة وممكن تكسب مال ويزيد حظك ..

القوس ♐

قصص بشغل جديد وعلاقة بمسؤولين ..
يوم مهم عم تعاني من توتر مو طبيعي عم تحس بمؤامرات عم تنعمل الك خفف القلق ولاتخاف .. المهم انت خليك دقيق ورح تمر على خير وممكن يتأثر وضع الشغل عندك وانت بيوم في كركبة لكن بنهايتها ..
عاطفيا .. مو مرتاح والشريك عم يزيدها عليك خليك مرن قدر الامكان ولاتنفعل على أقل الأمور ..
■النسبة المئوية :
●مهنيا : %65 ●ماليا : %62 ●عاطفيا : %68 ●صحيا : %61
☆ الزهرة بالعقرب : بتأثر على وضعك الاجتماعي بتميل للوحدة وبتراجع علاقتك بالناس ممكن تبدا شغل بمؤسسة كبيرة وكمان ممكن تفضل تكون علاقاتك سرية ..

الجدي ♑

يوم حلو بسفر وناس جديدة وحلول ..
من أفضل الأيام عندك عم تفكر تسافر او عم تتلقى اتصالات بعيدة يمكن هي الأجواء المناسبة الك ..فكر بعلم جديد واستغل هيك يوم لتطور بحالك للافضل وتنجح بالمكان يلي انت فيه ..
عاطفيا .. كتير من الحب عم يحمل معو اليوم الك فاستغل عاطفتك بدون انفعال وغيرة ..
■النسبة المئوية :
●مهنيا : %89 ●ماليا : %81 ●عاطفيا : %85 ●صحيا : %83
☆ الزهرة بالعقرب : بتعزز علاقاتك الاجتماعية مع محيطك وبالاصدقاء الك وبكون في اصدقاء جديدة بهالفترة ونظرات الاعجاب بتزيد وبتظهر بالمظهر الجذاب بحديثك وبساعدك صديق لتحقق امنية عندك ..

الدلو ♒

يومك أفضل ومال او ميراث وحل لقصة عندك ..
بدي منك لاتبالغ بمصروفك اليوم لان ممكن تفكر بأمور مادية وتحتاج مال اضافي .. وممكن كتير تعوض هالشي وتاخد مصاري ويوم بيحملك هدوء وترقب لوضعك وحل لبعض المشاكل القضائية ومصالحات ..
عاطفيا .. حاول تلاقي حب جديد او حسن الاجواء الرومنسية مع الشريك رح ترجع امورك افضل لأن ..
■النسبة المئوية :
●مهنيا : %62 ●ماليا : %71 ●عاطفيا : %67 ●صحيا : %73
☆ الزهرة بالعقرب : بتمنحك فرص للشهرة وترقية ممكنة بهي الفترة يلي بتخلصك تفكر تغير بشغلك وبتكون علاقاتك مع ناس مهمة بتصل معن لمكان متقدم بتطمح الو ..

الحوت ♓

شراكات جديدة ونهاية شراكات ضعيفة ..
بدي منك تفكر بتعزيز الشراكات ولاتصعد الخلافات بالشغل وماتتخذ قرارات تندم عليها انت بموقف ضعيف .. حاول قدر الامكان تصبر حتى ماتكون انت الخسران مع شركائك وعندك شغل مع حدا هاليوم ..
عاطفيا .. انت بحاجة للخروج من جو التوتر يلي عم تعيشو وحابب تعيش شي غير وفرصة ارتباط للبعض ..
■النسبة المئوية :
●مهنيا : %60 ●ماليا : %64 ●عاطفيا : %68 ●صحيا : %59
☆ الزهرة بالعقرب : بتعزز السفر والاتصالات البعيدة عندك ورح تكون علاقاتك مع اشخاص لاول مرة بتحكين ومن ثقافات غريبة عنك فترة ايجابية استغلها لتحصل على تقدم مهمي وعلوم جديدة ممكنة ..




27

7

2

1

1

-- الزوار شاهدو ايضاً --

فوائد علمية للّحية و الذقن عند الرجل


بجانب تأثيرها النفسي الذي يجذب النساء والجنس الاخر، اللحية عند ...
7437
 فوائد علمية للّحية و الذقن عند الرجل

توقعات الابراج الأربعاء 06-06-2018


 #الحمل مدايق ويوم في تأجيل عندك هدي الأوضاع .. من الأيام الصعبة ...
3888
توقعات الابراج الأربعاء 06-06-2018

طبيعة المرأة حسب برجها من عالم فلكي ايطالي


برج الحمل(21 آذار – 20 نيسان): طفلة في العاطفة ، إمرأة ...
10170
طبيعة المرأة حسب برجها من عالم فلكي ايطالي

توقعات الابراج العامة الاثنين 14-05-2018


#الحمل ♈ يوم مالي بامتياز دفع قبض ومصاريف .. عم يكون يومك ...
2016
توقعات الابراج العامة الاثنين 14-05-2018

اليكم بعض الطرق لإنبات شعر اللحية بسرعة


اغسل الوجه بالماء الدافئ، وباستخدام غسول لطيف للبشرة صباحاً ومساءً، ...
424
اليكم بعض الطرق لإنبات شعر اللحية بسرعة

اتصل بنا - اتفاقية الاستخدام - سياسة الخصوصية