توقعات الابراج 15 نوفمبر 2018 الخميس

توقعات الابراج 15 نوفمبر 2018 الخميس

ابراج -
* 2.8K * 15 *
حجم الخط



الحمل ♈

يوم لتحضر مناسبة وتكون مع رفقاتك فيه ..
عم تكون مشرق بحضورك الاجتماعي وطلتك بهيك يوم كمان انت مميز بطاقتك ويومك عم يكون حافل بكتير من الناس والأصدقاء والعلاقات الاجتماعية حاول تعززها ولاتبقى لحالك وكمان بتحصل هاليوم على فرصة حلوة بمساعدة صديق الك ..
❤ عاطفيا : تعرضت لكتير من المشاكل مع الشريك بسبب الناس هدي هاليوم وفكر بايجابية ..
■النسبة المئوية :
●مهنيا : %72 ●ماليا : %65 ●عاطفيا : %74 ●صحيا : %69

الثور ♉

أمور الشغل ماعم تريحك انت تحت الاختبار ..
حاول تكسب ثقة الناس فيك لان في نواية سيئة تجاهك وانتبه لأن عم يكون يوم من الايام المصيرية عندك من ناحية الشغل والتغييرات الممكن تحصل عندك او علاقتك بالمسؤولين عنك يلي ممكن تخرب بكلمة وتصير احسن بكلمة فحاول تكون مساير ودبلماسي ..
❤ عاطفيا : انت عم تعيش تراجع بعلاقتك بس الامور بتنحل اذا كنت ذكي بالتعامل ..
■النسبة المئوية :
●مهنيا : %76 ●ماليا : %70 ●عاطفيا : %73 ●صحيا : %68

الجوزاء ♊

منيح هاليوم لتغير بوضعك وتنجح اكيد ..
بتحس بارتياح نسبي وخاصة بعد ضغوط هائلة مريت فيها ويوم فيه فرص لسفر بعيد او حتى لقاء مع ناس غرباء عنك كمان بتتلقى اتصال من شخص وبيسعدك هالشي وفرصة لتبدا دراسة جديدة او قصة بتغير فيها روتين حياتك للافضل وانتبه اثناء السفر اكد كل شي ..
❤ عاطفيا : الاجواء داعمة بهاليوم الك مشان هيك قرب وجهات النظر مع الشريك وعيشو يوم حلو رومنسيا ..
■النسبة المئوية :
●مهنيا : %86 ●ماليا : %80 ●عاطفيا : %84 ●صحيا : %82

السرطان ♋

عم تحصل على مال وتحل مشكلة بهاليوم ..
يوم افضل وتغييرات لصالحك وبتحس بانخفاض الضغط وعم يكون يومك أريح بعد ايام صعبة وعصيبة مريت فيها وعم ترتاح نسبيا وعندك فرصة لتحصل على مال من شراكة او ميراث او من شخص وكمان في حلول قضائية واستشفائية عندك ..
❤ عاطفيا : بهاليوم بتزيد عاطفتك بشكل كبير مشان هيك انتبه من تطورات مع الشريك ..
■النسبة المئوية :
●مهنيا : %66 ●ماليا : %76 ●عاطفيا : %72 ●صحيا : %69

الأسد ♌

عم تنفعل بسرعة بس فرصة عندك لشراكة جديدة ..
بدي منك تحاول تتجنب الدخول بمواجهات مع البعض لأن في بهاليوم كتير من الضغوطات بمجال التعامل مع الناس المحيطة الك وعم تنفعل بسرعة فحاول تهدي لأن الاعداء كتار وتأكد انو فترة وبتمر وفيك تعمل شراكة مع شخص بترتاح بالتعامل معو ..
❤ عاطفيا : الاجواء مع الشريك ابدا ماعم تريحك وعم تفكر تنهي كل شي ..
■النسبة المئوية :
●مهنيا : %59 ●ماليا : %67 ●عاطفيا : %65 ●صحيا : %60

العذراء ♍

يوم لتثبت حالك وقدراتك بالشغل وانتبه صحيا ..
انت شاطر وقادر تخلص شغلك بوقتو بس بدي تهدي حالك وبدي كمان منك اليوم تنتبه من بداية النهار عندك على شغلك وتخلص الضروري وتنظم وقتك وكمان حاول ماتهمل أكلك حتى تحافظ على صحتك ونشاطك وابتعد عن المخاطرة صحيا باي شي ..
❤ عاطفيا : امورك العاطفية عم تمر بفترة برود بدك تحاول تلاقي شخص يكون بيستاهلك ..
■النسبة المئوية :
●مهنيا : %59 ●ماليا : %62 ●عاطفيا : %66 ●صحيا : %57

الميزان ♎

من افضل الايام لمال وعاطفة وحظ ..
بتحس بانك مبسوط نوعا ما وأنت أفضل عائليا وعم يكون يوم مميز الك ويمكن تحصل فيه على اوقات ممتعة وخاصة اذا ناطر طفل فهو وقت مناسب لهالشي كمان عندك فرص لتغيير بحياتك بفرصة بتسعدك وبتكون داعمة الحظوظ ..
❤ عاطفيا : استغل هاليوم لتعيش احلى الاوقات الرومنسية مع الشريك او برجعة حب قديم ..
■النسبة المئوية :
●مهنيا : %85 ●ماليا : %82 ●عاطفيا : %89 ●صحيا : %80

العقرب ♏

عم تكون بوضع عائلي صعب وقصص عقارية ..
يبدو انك عم تفكر بقصة بتخص بيع او شراء عقار وانت ضايج شوي هاليوم وعم تفكر تغير مكان سكنك وفي تغييرات كمان بشغلك بهاليوم بدي منك تستوعب عيلتك وتدير بالك على اهلك وتكون منتبه لصحتك وكل شي بصير افضل قريبا ..
❤ عاطفيا : كتير من التقلبات بعلاقتك مع الشريك بس مع هيك عم تكون ملفت للانظار ..
■النسبة المئوية :
●مهنيا : %64 ●ماليا : %68 ●عاطفيا : %70 ●صحيا : %60

القوس ♐

يوم اخر منيح بتطورات حلوة وسفر ..
عم يكون يوم جيد داعم الك وعندك لقاءات واوقات حلوة وقادر تنجح وتوصل رأيك بأي موضوع بسهولة وكمان بتنشغل بقصة بتخص احد الأخوة ويمكن تسافر لكن انتبهلي كتير من حوادث السير ومن قصص بتخص موبايلك ..
❤ عاطفيا : الاجواء داعمة للقاء رومنسي ومشوار حلو مع الشريك اذا بدك بس انتبه من سوء تفاهم ..
■النسبة المئوية :
●مهنيا : %78 ●ماليا : %72 ●عاطفيا : %80 ●صحيا : %75

الجدي ♑

امور مالية بتشغلك بين دفع وقبض ..
حاول تضبط ميزانيتك منيح لهاليوم وعم تفكر بالشغل وعم يدور يومك ضمن نطاق الاوضاع المالية عندك يمكن عم تصرف كتير بس كمان هاليوم غالبا رح تحصل على مال وتحسن وضعك المادي وكمان في فرصة لموراد مالية جديدة عندك ..
❤ عاطفيا : عم تحس باهمال الشريك وماعم تكون راضي عن وضع علاقتك معو ..
■النسبة المئوية :
●مهنيا : %69 ●ماليا : %80 ●عاطفيا : %68 ●صحيا : %74

الدلو ♒

بلشت تحس براحة ويوم منيح ومهم عندك ..
استفيد من هاليوم لتكون بمكانة افضل مهنيا وتنجح وعندد حظ أفضل طاقة و بداية جديدة بحياتك حاول تترك الماضي للنسيان وفكر ببكرا يمكن تحصل امور هاليوم تغير قناعاتك وتحسن وضعكوبشكل كبير وحاول تستغل طاقتك لتفتح صفحة جديدة ..
❤ عاطفيا : حياتك العاطفية بحاجة قرار حاسم منك حتى ترتاح وتختار المناسب الك ..
■النسبة المئوية :
●مهنيا : %91 ●ماليا : %85 ●عاطفيا : %88 ●صحيا : %82

الحوت ♓

مضايقات كتير بس مرق هاليوم ..
بتدخل يوم اخر مزعج نسبيا وبتحس حالك مو مرتاح وعتبان وحاسس بكتير عرقلة بامورك والوضع صار لايحتمل في قصة عندك ماعم تمشي وضايج كتير من هالوضع حاول تهدي حالك وقول يارب وانشالله فترة وبتمر وبترجع امورك بتتحسن قريبا ..
❤ عاطفيا : بدي منك ماتعطي اهمية لاي كلام بتسمعو واترك الناس بعيدة عن مجال تفكيرك وركز بحل لمشاكل علاقتك ..
■النسبة المئوية :
●مهنيا : %57 ●ماليا : %68 ●عاطفيا : %66 ●صحيا : %61




15

5

0

2

2

-- الزوار شاهدو ايضاً --

الأبراج يوم الجمعة 20 تموز 2018


  الحمل ♈ يوم للراحة للمال لاعادة الحسابات .. عم يكون يومك ...
3976
الأبراج يوم الجمعة 20 تموز 2018

استخدمي بذور الكتان لتخسيس البطن


يقول الخبراء إنّ تناول ألياف بذور الكتان قبل وجبات الطعام ...
5956
استخدمي بذور الكتان لتخسيس البطن

كيف تكون حكيما


تحديد نقاط القوّة والضعف ليكون الإنسان حكيماً لا بدّ من معرفة ...
13438
كيف تكون حكيما

توقعات الابراج 30 اكتوبر 2018 الثلاثاء


  الحمل ♈ تطورات عائلية بتحتاج فيها لحلول .. عم تكون متوتر شوي ...
3299
توقعات الابراج 30 اكتوبر 2018 الثلاثاء

ما هو نظام IPTV


نظام IPTV نظام IPTV هو اختصار ل(Internet Protocol Television)، هو نظام ...
210
ما هو نظام IPTV

اتصل بنا - اتفاقية الاستخدام - سياسة الخصوصية